Оросын олон нийтийн санал судалгааны төвөөс мэдээлснээр Оросын иргэдийн 72 хувь нь Ерөнхийлөгч Владимир Путинд итгэдэг гэж хариулсан бол 66.7 хувь нь түүний төрийн тэргүүний үйл ажиллагааг дэмжиж байна, харин 22.8 хувь нь итгэдэггүй, 21.9 хувь нь үйл ажиллагааг нь дэмждэггүй гэжээ.
Засгийн газрын үйл ажиллагааг судалгаанд оролцогчдын 40.2 хувь нь дэмжиж, 29.2 хувь нь дэмжээгүй бол Ерөнхий сайд Михаил Мишустинд 54.6 хувь нь итгэдэг, 24.7 хувь нь итгэдэггүй гэж хариулсан байна.
Хэрэв Төрийн думын сонгууль ойрын ням гарагт болсон бол оролцогчдын 27.3 хувь нь “Нэгдсэн Орос” намыг, 12.4 хувь нь “Шинэ хүмүүс” намыг, 10.8 хувь нь Оросын либерал-демократ намыг, 10.9 хувь нь Оросын Холбооны Коммунист Намыг, 5.2 хувь нь “Шударга Орос – Эх орончид – Үнэний төлөө” намыг дэмжихээ илэрхийлсэн бөгөөд 9.9 хувь нь парламентын бус намуудад саналаа өгөх боломжтой гэжээ.
Судалгааг 2026 оны дөрөвдүгээр сарын 6-наас 12-ны хооронд 18-аас дээш насны 1600 хүний дунд утсаар, санамсаргүй сонголтоор хийсэн бөгөөд 95 хувийн итгэлцлийн түвшинд алдааны хэмжээ ±1 хувь гэж тодорхойлсон байна.
Эх сурвалж: RIA NOVOSTI
