Нийслэлийн Монгол Ардын Нам үүсгэн байгуулагдсаны түүхт 101 жилийн ойд зориулсан “Монгол Улсын аварга цолтонд хүндэтгэл” үзүүлэх улс, аймаг, цэргийн цолтой хүчит 128 бөхийн барилдаанд Ховд аймгийн Буянт сумын харьяат, “Аврагч” спорт хороо, “Од групп”, “Эм Жи Өү Транс” ХХК, “Зорчигч Тээвэр 1” ОНӨААТҮГ, Ховд дэвжээний бөх, улсын аварга Оргихын Хангай түрүүлж, Ховд аймгийн Зэрэг сумын харъяат, “Аврагч” спорт хороо, “Монтед Констракшн”, “Асиан Сити” ХХК, “Валькан” групп, “Ховд” дэвжээний бөх, улсын заан Баярхүүгийн Бат-Өлзий үзүүрлэв.
Их шөвөгт Завхан аймгийн Яруу сумын харъяат, “Хилчин” спорт хороо, ХЦ-0208 анги, “Жем Интернэшнл” ХХК, Завхан Даян дэвжээний бөх, улсын заан М.Лхагвагэрэл, Завхан аймгийн Отгон сумын харьяат, “Сүлд” спорт хороо, “Уушгийн баян” ХХК, “Завхан Даян” дэвжээний бөх, улсын начин Т.Дүгэрдорж нар шалгарлаа.
Дунд шөвөгт улсын арслан Б.Орхонбаяр, улсын заан Д.Хүдэрбулга, аймгийн арслан Н.Намнансүрэн, айгийн арслан М.Баяржавхлан нар үлдэв.
Зохион байгуулагчид хүрэлцэн ирсэн бүх аваргадаа хүндэтгэл үзүүлсэн бол Ч.Бээжин аваргын нэрэмжит уламжлалт шагналыг аваргын үр хүүхдүүдээс нь улсын заан М.Лхагвагэрэлд гардуулсан юм.
Дараагийн барилдаан ирэх долоо хоногт буюу тавдугаар сарын 1-ний баасан, гарагт 10:00 цагаас жингийн ангиллаар зохион байгуулах Оюутны улсын аварга шалгаруулах барилдаан,
тавдугаар сарын 2-ны бямба гарагт 13:00 цагаас: “Бест баззер” шилдэг 64 бөхийн сугалаат барилдаан,
тавдугаар сарын 3-ны ням гарагт, 10:00 цагаас Завхан аймгийн Сантмаргац сумын харъяат БНМАУ-ын арслан “нахиу” хэмээх Шагдарын Санжсүрэнгийн нэрэмжит аймаг цэрэг, сумын цолтой 512 бөхийн барилдаанаар тус тус үргэлжилнэ.
