Дэлхийн түүхэнд: Дөрөвдүгээр сарын 27

Григорийн тооллын жилийн 117 дахь (өндөр жил бол 118 дахь) өдөр юм. Мөн он дуустал 248 өдөр үлдэж байна.

Онцлох үйл явдал

• МЭӨ 33 – Ромын зөвлөлийн гишүүн Лусиус Марсиус Филиппусын өргөмөл дүү Августус Хиспаниа орчимд ялалт байгуулж, тус нутгийг эзлэн суухаар болов. Августус ирээдүйд хаан ширээнд суусан билээ.
• 711 – Исламийн түрэмгийлэл: Тарик Ибн Зиядаар удирдуулсан Моорын цэргүүд Гибралтарт зангуугаа буулган Иберийн хойгийг эзлэн түрэмгийлэх ажиллагааг эхлүүлжээ.
• 1296 – Шотландын тусгаар тогтнолын анхны дайн: Жон Байлолоор удирдуулсан Шотландын арми Данбрын дайнд Жон де Варранегаар удирдуулсан Английн армид ялагдав.
• 1509 – Ромын пап II Юлий Венецийг тусгаар улс хэмээн хүлээн зөвшөөрсөнгүй.
• 1521 – Португалийн домогт аялагч Фернан Магеллан одоогийн Филиппиний нутагт хүрсэн ч нутгийн уугуул иргэдэд алуулжээ.
• 1522 – Испани болоон Папын нэгдсэн улсууд Франц болон Венецийн нэгдсэн армийг буулган авав.
• 1539 – Испанийн аялагч Николаус Федерманн, Себастиан де Белалказар нар Шинэ Гранада (одоогийн Колумби)-д Богота хотыг дахин байгуулжээ.
• 1565 – Филиппинийн нутгийг захирах болсон Испани улс тус нутагт Чебу гэх хотыг байгуулжээ.
• 1570 – Английн хатан хаан I Элизабетыг Ромын пап V Пиус буруу номтон гэж цоллов.
• 1777 – Америкийн хувьсгал: Рижфильдийн тулаан: Америкийн Коннектикут мужийн Рижфильд хотод Британийн түрэмгийлэгчид Эх газрын армид ялагджээ.
• 1805 – АНУ-ын усан цэргүүд одоогийн Ливи улсын Дерна хотод халдан довтлов.
• 1813 – АНУ-ын цэргүүд Дээд Канадын Йорк хотыг эзлэжээ.
• 1865 – АНУ-ын Нью-Йорк хотын сенат Корнеллийн их сургуулийг байгуулах шийд гаргав.
• 1906 – ОХУ-ын хууль тогтоох дээд байгууллага “Төрийн Дум” анхны хуралдаанаа хийжээ.
• 1909 – Османы эзэнт гүрний хаан II Абдул Хамид эрх хэмжээнээсээ татгалзаж, улмаар түүний дүү V Мехмед хаан ор суув.
• 1927 – Чили улсын цагдаагийн газар байгуулагджээ.
• 1936 – АНУ-ын Автын ажилчдын нэгдсэн холбоо АНУ-ын Үйлдвэрчний эвлэлээс салан тусгаарлаж, тусдаа байгууллага болохоо зарлав.
• 1941 – Дэлхийн хоёрдугаар дайн: Германы арми Грекын Афин хотод нэвтрэв.
  • Дэлхийн хоёрдугаар дайн: Словенийн коммунист нам, Словенийн Христийн социалист нам, Словенийн үндэсний ардчилсан нам нэгдэн Словени үндэстнийг чөлөөлөх хөдөлгөөнийг байгуулжээ.
• 1945 – Дэлхийн хоёрдугаар дайн: Германы цэргүүдийн Финландын Лапландаас хөөн гаргав.
  • Дэлхийн хоёрдугаар дайн: Италийн Донго хотод партизанууд Бенито Муссолиниг баривчлав. Тэрээр эх нутгаасаа оргохоор завдаж байсан ажээ.
• 1948 – Төрийн шагналт хөгжмийн зохиолч Зундуйн Хангал мэндэлжээ (1996 онд нас барсан)
• 1960 – Того улс НҮБ-ын дэмжлэгтэйгээр Францаас тусгаар тогтножээ.
• 1961 – Африкийн Сьерра Леон улс Их Британиас тусгаар тогтнож, Милтон Маргай анхын ерөнхий сайдаар томилогдов.
• 1967 – Канадын Монреал хотод дэлхийн үзэсгэлэн, яармаг нээлтээ хийв. Дэлхий даяар нээлтийн ажиллагааг шууд дамжуулж, дараа өдрөөс олон нийтэд нээлттэй болжээ.
• 1974 – АНУ-ын нийслэл Вашингтон хотод Ерөнхийлөгч Ричард Никсоныг албан тушаалаасаа буухыг шаардаж, 10,000 хүнийг хамарсан жагсаал зохион байгуулагдав.
• 1978 – АНУ-ын Ерөнхийлөгч асан Ричард Никсоны туслах Жон Д.Эрлихман Аризона мужийн шоронд 18 сар хоригдсоны эцэст суллагджээ. Түүнийг Уотергейтын хэрэгт буруутган шоронд хорьсон аж.
• 1981 – Xerox PARC компани компьютерийн маусыг үйлдвэрээс гаргажээ.
• 1986 – Украины Припят хотод цацраг идэвхит туяа их хэмжээгээр тархсан тул тус хотын иргэдийг нүүлгэн шилжүүлэв.
• 1987 – АНУ-ын Хууль зүйн яам Австрийн Ерөнхийлөгч Курт Вальдхаймыг дэлхийн II дайны үеэр олон мянган еврейчүүдийг устгахад оролцсон гэж үзжээ.
• 1989 – БНХАУ-ын нийслэл Бээжин хотын Тяньаньмений талбайд оюутнууд эсэргүүцлийн жагсаал зохион байгуулав.
• 1992 – Югославын Холбооны Бүгд найрамдах улсын бүрэлдэхүүнд багтаж байсан Серби, Монтенегро улсууд тусгаар тогтножээ.
  • Британийн ард нийтийн танхимын даргаар Бетти Бүүтройд сонгогдов. Энэ нь тус улсын ард нийтийн танхимын 700 жилийн түүхэнд эмэгтэй хүн томилогдсон анхны тохиолдол болжээ.
  • ОХУ болон хуучин ЗХУ-ын бүрэлдэхүүнд багтаж байсан 12 улс нэгэн зэрэг ОУВС болон Дэлхийн банкны гишүүнээр элссэн аж.
• 1993 – 1994 онд болох хөлбөмбөгийн ДАШТ-д оролцох эрхийн төлөөх тоглолтод оролцохоор нисч явсан Замби улсын хөлбөмбөгийн шигшээ багийн онгоц осолдож, хөлгийн багийн бүх хүн амиа алдав. Уг осол Габоны Либревиль хотод болсон билээ.
• 1994 – Өмнөд Африкын парламентын сонгууль: Бүх хар арьстнууд чөлөөтэй оролцсон анхны ардчилсан сонгууль зохион байгуулагдав.
• 2006 – Дэлхийн худалдааны хоёр ихэр цамхагийн буурин дээр “Эрх чөлөөний цамхаг”-ын барилгын ажил эхэлжээ.
• 2007 – Эстонийн Засгийн газар нийслэл Таллин хотод байрлах Зөвлөлтийн армийн дурсгалын цогцолборыг шилжүүлэх шийд гаргав.
• 2011 – АНУ-ын зүүн өмнөд хэсгийн Алабама, Миссисипи, Жиоржиа, Теннесий мужуудад нэг өдөрт 250 гаруй том, жижиг хэмжээний шуурга дэгдсэний улмаас 300 гаруй хүн амиа алдаж, 100 гаруй хүн гэмтэж, бэртжээ.
• 2012 – Украины Днипропетровск хотод дөрвөн удаа дэлбэрэлт болж 27 хүн ноцтой бэртэв.

Мэндэлсэн алдартнууд

• 1755 – Францын нэрт математикч Марк-Антуан Парсеваль (1836 онд нас барсан)
• 1759 – Эмэгтэйчүүдийн эрхийн төлөө тэмцэгч, философич Мери Уолстенкрафт (1797 онд нас барсан)
• 1791 – Морзын кодыг зохион бүтээгч, Америкийн зохион бүтээгч Сэмюэл Морзе (1872 онд нас барсан)
• 1822 – АНУ-ын 18 дахь Ерөнхийлөгч Улисс Грант (1885 онд нас барсан)
• 1891 – Оросын алдарт хөгжмийн зохиолч Сергей Прокофьев (1953 онд нас барсан)
• 1910 – Бүгд найрамдах Хятад улс буюу Тайванийн гурав дахь Ерөнхийлөгч Зян Зинго (1988 онд нас барсан)
• 1911 – Европын хошой аварга Нидерландын гүйгч Крис Бергер (1965 онд нас барсан)
• 1929 – Олимпын хошой аварга, нэг хүрэл медальт, Европын аварга Зөвлөлтийн зээрэнцэг шидэгч Нина Пономарёва (2016 онд нас барсан)
• 1935 – Олимпын мөнгөн медальт Америкийн тулгууртай харайгч
• 1937 – Академийн наадмын шагналт жүжигчин Сенди Деннис (1992 онд нас барсан)
• 1954 – Фижи арал улсын найм дахь ерөнхий сайд Франк Байнимарама
• 1967 – Нидерландын хаан Виллем-Александер
• 1975 – Олимпын хошой аварга, нэг мөнгөн медальт, дэлхийн аварга Японы цанатай харайгч Фүнаки Казүёши
• 1976 – “Хөх жасмин”, “Паддингтон” киноны од жүжигчин Селли Хоукинс
• 1986 – “Доктор Хэн” телевизийн цувралын од жүжигчин Женна Колмен
  • Олимпын мөнгөн медальт Оросын талбайн теннисч Динара Сафина
• 1991 – Испанийн хөлбөмбөгч Исаак Куенка
  • Олимпын хүрэл медальт, Дэлхийн аваргын гурван мөнгө, хоёр хүрэл медальт Австрийн цаначин Лара Гут

Нас барсан алдартнууд

• 1605 – Ромын пап XI Лео (1535 онд төрсөн)
• 1656 – Голландын нэрт зураач Ян ван Гойе (1596 онд төрсөн)
• 1893 – Шинэ Зеландын 14 дэх ерөнхий сайд Жон Балланс (1839 онд төрсөн)
• 1969 – Боливийн 55 дахь Ерөнхийлөгч Рене Барриентос (1919 онд төрсөн)
• 1972 – Гана улсын анхны Ерөнхийлөгч Кваме Нкрума (1909 онд төрсөн)
• 1989 – Цахилгаан барааны алдарт Панасоник компанийг үндэслэгч Мацүшита Коносүкэ (1894 онд төрсөн)
• 2002 – “Барби” хүүхэлдэйг зохион бүтээгч Рут Хандлер (1916 онд төрсөн)
• 2007 – Оросын нэрт удирдаач, морин хийлч Мстислав Ростропович (1927 онд төрсөн)

Тэмдэглэлт өдөр

•  Орос Парламентын өдөр
•  Словени Эзлэн түрэмгийлэгчдийн эсрэг бослогыг дурсан санах өдөр
•  Молдав Төрийн далбааны өдөр
•  Өмнөд Африк Эрх чөлөөний өдөр
•  Сьерра Леон  Того Тусгаар тогтнолын өдөр
•  Финланд Ахмад дайчдын өдөр

Эх сурвалж: WIKIPEDIA