Өнгөрсөн онд болсон 2025 NATO Summit-ын үеэр Дональд Трампыг “daddy” (аав) гэж нэрлэсэн нь олон нийтийн анхаарлыг татаж, цахим орчинд шуугиан дэгдээсэн явдал гарч байв. Тус уулзалт Нидерландын Гааг хотод болж, НАТО-гийн гишүүн орнууд аюулгүй байдал болон дэлхийн бусад асуудлыг хэлэлцсэн билээ.
Гэвч тухайн үед Марко Рюттегийн Трампыг “daddy” гэж нэрлэсэн нь олон нийтийн дунд хамгийн их анхаарал татсан сэдэв болж, хүмүүсийн хувьд тайлбар шаардсан асуулт үлдээсэн юм.
Саяхан Трамп болон Рютте дахин Вашингтонд уулзсан бөгөөд Трамп НАТО-оос гарах талаар хүртэл ярьж байх үед энэ сэдэв дахин хөндөгджээ. Энэ үеэр Рюттегээс яагаад Трампыг “daddy” гэж дууддаг тухай асуухад тэрбээр энэ нь зүгээр л “үгийн утгын зөрүүтэй холбоотой” гэж тайлбарласан байна.
Тэрбээр “Голланд хэлэнд ‘your father’-ын орчуулгыг ‘daddy’ гэж хэлж болдог. Би ‘заримдаа аав уурлах хэрэгтэй болдог’ гэж хэлсэн юм” хэмээн мэдэгджээ.
Мөн тэр “Би түүнийг өөрийн ‘daddy’ гэж дуудаагүй. Гэхдээ ‘daddy’ гэдэг үг олон янзын утга агуулдаг бөгөөд одоо би энэ зүйлтэйгээ насан туршдаа эвлэрэх хэрэгтэй боллоо” гэж нэмж хэлсэн байна.
Тэр мөн өөрөө болон АНУ-ын Ерөнхийлөгч энэ нөхцөл байдлыг “хүлээн зөвшөөрсөн” гэжээ.
Өмнө нь Дональд Трамп Иран болон Израилийн мөргөлдөөний талаар ярихдаа хоёр улсы тухайд “сургуулийн хашаанд зодолдож буй хүүхдүүд шиг” хэмээн зүйрлэж байсан удаатай.
Түүнчлэн Марко Рютте өмнө нь “Европын зарим улс АНУ НАТО-д үлдэх эсэхийг асуух нь яг л хүүхэд ааваасаа ‘Чи бидэнтэй үлдэх үү?’ гэж асууж байгаа мэт сонсогддог” гэж хэлж байсан аж.
Рютте энэ талаар тайлбарлахдаа “Би Трампыг ‘daddy’ гэж дуудсан биш, харин зүйрлэл ашигласан” гэж дахин онцолжээ.
Сүүлийн уулзалтын дараа Дональд Трамп НАТО болон Гренландын асуудлаар сэтгэл дундуур байгаагаа илэрхийлж, АНУ-ын Truth Social платформ дээрээ “НАТО бидэнд хэрэгтэй үед байгаагүй, дахин хэрэгтэй үед ч байхгүй байж магадгүй” хэмээн бичсэн байна.
Эх сурвалж: UNILAD
