Цюрихт мягмар гаргийн орой 2000 гаруй хүн Дэлхийн эдийн засгийн форум (ДЭЗФ)-д АНУ-ын Ерөнхийлөгч Дональд Трамп оролцуулахыг эсэргүүцэн жагсаал зохион байгуулжээ. Энэ тухай мэдээллийг Швейцарийн Keystone-SDA агентлаг уламжилсан байна.
Жагсаал орон нутгийн цагаар 18:30-д Бюрклиплацын талбайгаас эхэлсэн бөгөөд “Трампыг одоо ч хүлээж авахгүй!” гэсэн уриан дор Цюрихийн гудамжаар үргэлжилжээ. Жагсагчид мини тэсрэх бөмбөг, утаат бөмбөг ашигласан бөгөөд нэг нь АНУ-ын тугийг шатаасан байна. Мөн самбарууд дээр “Трамп өвчтэй”, “ДЭЗФ-ыг хаа” гэх зэрэг үгс бичсэн байжээ.
Жагсаалыг “Социализмын хөдөлгөөн” нэртэй зүүн чиглэлийн байгууллага зохион байгуулсан байна. Тус байгууллагын үзэж буйгаар, Трампын гадаад бодлого хүч сул улсуудыг сүрдүүлж, хүчээр шийдвэр гаргуулах буюу “канонерын дипломати” руу эргэн оржээ.
Тэд Америкийн Ерөнхийлөгчийн Давос дахь айлчлал “улс төрийн хямралын илэрхийлэл ба бэлгэ тэмдэг” гэж үзэж байгаа аж.
ДЭЗФ нь Швейцарийн төрийн бус байгууллага бөгөөд жил бүр бизнес, улс төрийн удирдагчид болон олон салбарын мэргэжилтнүүдийг оролцуулсан уулзалт зохион байгуулдаг.
2026 оны форум нэгдүгээр сарын 19-нөөс 23-ны өдрүүдэд болж буй бөгөөд үндсэн сэдвээ “Харилцан ярианы сүнс” гэж тодорхойлжээ.
Эх сурвалж: TASS, SWISS INFO
