АНУ-ын Ерөнхийлөгч ээлжит дайныг зогсоолоо. Гэхдээ нэг онцлог бий — Энэ дайныг өөрөө эхлүүлсэн.
Цагаан ордон хоёрдугаар сарын 28-наас хойш “дэлхийн хамгийн хүчирхэг арми, хаана ч, хэзээ ч ажиллах чадвартай” хэмээн тодорхойлж, АНУ өдөр бүр Ираныг буулгаж авах оролдлого хийж байв. Гэвч өнөөдрийн байдлаар Вашингтон ялсангүй, Тегеран ялагдсангүй гэх дүгнэлтэд хүрч байна.
Харин энэ ажиллагаа бүрэн бүтэлгүйтвэл дэлхийн геополитикийн зураглалыг өөрчлөх хэмжээний үр дагаварт хүргэж болзошгүй байна.
Энэхүү мөргөлдөөн нь олон жилийн турш сүржин уриа, Холливудын баатрын дүр, өөрсдийн онцгой замд итгэх итгэлээр халхлагдаж ирсэн асуудлуудыг ил гаргажээ.
АНУ мөргөлдөөнийг эхлүүлэхдээ дараах мэдэгдлүүдийг хийж байв. Үүнд:
- “Бид дэлхийн хамгийн хүчирхэг армитай…”
- “Хараал идсэн хоолойгоо нээ… эс бөгөөс тамд амьдарна”
- “Ираныг нэг шөнийн дотор устгаж чадна”
- “Нэгэн соёл иргэншил өнөө шөнө устаж, дахин сэргэхгүй”
- “Ираны бүх гүүрийг устгаж, бүх цахилгаан станцыг дэлбэлнэ”
Гэвч нэг сарын турш бөмбөгдөж, заналхийлсний дараа Вашингтон Ираны дэвшүүлсэн гал зогсоох нөхцлүүдийг хүлээн зөвшөөрөхөөс өөр аргагүйд хүрсэн байна. Эдгээр нөхцөлд:
- харилцан үл довтлох зарчим,
- Ормузын хоолойд Тегераны хяналт,
- Иранд уран баяжуулах эрх,
- үндсэн болон хоёрдогч хоригийг цуцлах,
- хохирлын нөхөн төлбөр,
- АНУ-ын цэргийг бүс нутгаас гаргах зэрэг заалтууд багтжээ.
АНУ-ын Ерөнхийлөгч Дональд Трамп Ираны 10 заалт бүхий саналыг “хэлэлцээ хийх боломжтой ажлын суурь” хэмээн тодорхойлсон байна.
Эх сурвалж: TASS
