Н.Учралын тэргүүлсэн шинэ Засгийн газрын анхдугаар хуралдаан өнөөдөр өглөөний 08:00 цагт эхэллээ. Тус хуралдаанаар улсын эдийн засгийн өнөөгийн нөхцөл байдал, тулгарч буй гол эрсдэлүүд, цаашид авч хэрэгжүүлэх бодлого, арга хэмжээний талаар дэлгэрэнгүй хэлэлцэж буй бөгөөд мөн цаг үеийн бусад чухал асуудлыг авч үзэж буй аж.
Ер нь Засгийн газрын ээлжит хуралдаан долоо хоног бүрийн лхагва гарагт болдог уламжлалтай. Харин энэ удаад шинэ Ерөнхий сайд Ням-Осорын Учрал танхимынхаа бүрэлдэхүүнийг бүрдүүлэхэд тодорхой хугацаа шаардсан тул анхны хуралдаанаа даваа гарагт товлон зохион байгуулж буй юм байна. Тэрбээр өнгөрсөн баасан гарагт Засгийн газрын гишүүдийн нэрсийг Монгол Улсын Их Хурлын нэгдсэн чуулганаар хэлэлцүүлж, албан ёсоор батлуулсан юм.
Шинэ Засгийн газар ийнхүү бүрэн бүрэлдэхүүнээрээ анх удаа хуралдаж буй нь эдийн засгийн идэвхжил, хөрөнгө оруулалтын орчныг сайжруулах, инфляцыг тогтворжуулах, иргэдийн орлогыг хамгаалах чиглэлд бодитой шийдвэрүүд гарна гэсэн хүлээлт дагуулж байна. Мөн ойрын хугацаанд төсвийн сахилга батыг чангатгах, төрийн бүтцийн үр ашгийг нэмэгдүүлэх, гадаад хөрөнгө оруулалтыг татах бодлогыг эрчимжүүлэх зэрэг зорилтуудыг хэлэлцэх төлөвтэй байгаа ажээ.
