Германы уран барималч Жак Тилли, Оросын Ерөнхийлөгч Владимир Путин болон Оросын Православ сүмийн Патриарх Кирил нарыг бэлгийн харьцаанд орж буйгаар дүрсэлсэн том хөлөг бүтээжээ. Үүний улмаас Москвагийн шүүх Тиллиг байлцуулалгүйгээр 8.6 жилийн хорих ял оноосон байна.
Бие даасан мэдээний SOTAvision агентлагийн мэдээлснээр, шүүх Тиллийг цэргийн тухай “хуурмаг мэдээлэл тараасан” болон шашны шүтлэгтнүүдийг доромжилсон гэж буруутгасан байна.
Тус хэрэгт 2024 онд Deutsche Welle-д өгсөн ярилцлага оржээ. Уг ярилцлагад Тилли Украины дайны үеэр Оросын цэргийн үйлдсэн “бүх цус урсгасан гэмт хэргүүдийг” буруушаасан байна.
Карнавалын бүтээлээрээ алдартай Тилли өөрийг нь буруутгасан үндэслэлүүдийг “үзэл бодлоо илэрхийлэх эрх чөлөөнд халдсан явдал” гэж үзжээ. Тэрбээр Ройтерст “Зөвхөн шүүмжилсэн гэж ийм хүнд ял оноох ямар ч үндэслэл байхгүй… Сатирик шүүмжлэл, хүүхэлдэй, дүрүүдээс айж буй ийм орон болох нь инээдэмтэй” гэжээ.
Москвагийн Басманный шүүхийн шүүгч Константин Очиров Тиллийг хорих ангид ял эдлүүлэх, 200,000 рублийн (2490 ам.доллар) торгуулийн ял оноох, мөн дөрвөн жилийн хугацаанд вэбсайт ажиллуулахыг хязгаарлах шийтгэл оноосон байна. Гэвч Тилли Орост амьдардаггүй тул эдгээр шийтгэл биелэгдэхгүй аж.
SOTAvision агентлагийн мэдээлснээр, прокурорууд шүүхэд ирээгүй гурван гэрчийн адилхан мэдүүлгийг уншаад, тэд баримлыг үзээд ихэд бухимдсан гэжээ. Мөн шинжээчийн мэдүүлэгт дүрсэлсэн хүмүүс нь “мэдээж Владимир Путин болон Патриарх Кирил” гэсэн байна.
Тиллийн бусад бүтээлүүдэд Путин Украины төрийн өнгөтэй (цэнхэр, шар) усан санд цусанд “хамт орж” буйгаар, мөн АНУ-ын Ерөнхийлөгч Дональд Трамптай Европыг идэж буй дүрсийг бүтээсэн бүтээл ордог аж.
Уран барималчийн хэлснээр, түүний бүтээлүүд нь улс төрийн эрх мэдлийг сорих, тулгах зорилготой бөгөөд Путин, Трамп, Туркийн Ерөнхийлөгч Тайип Эрдоган зэрэг олон удирдагч руу чиглэсэн байна.
Жич (1 ам.доллар = 80.4 рубль)
Эх сурвалж: REUTERS
