Жишиг үзүүлэлт болох Brent маркийн газрын тосны үнэ Израиль Ираны South Pars хийн ордод цохилт өгсөн. Үүний дараа Иран Ойрхи Дорнод даяарх эрчим хүчний байгууламжууд руу довтолсонтой холбоотойгоор пүрэв гарагт газрын тосны үнэ баррель нь 119 ам.доллароос давж, огцом өсжээ. Энэ нь дайны хурцадмал байдлыг улам нэмэгдүүлсэн томоохон алхам гэж ажиглагчид үзэж байна.
Brent төрлийн газрын тосны фьючерсийн үнэ GMT 10:26 цагийн байдлаар баррель нь 7.39 ам.доллар буюу 6.9 хувиар өсөж, 114.77 ам.долларт хүрсэн байна. Өдрийн эхэн үед Brent 10 гаруй ам.доллараар өсөж, 119.13-д хүрсэн бөгөөд энэ нь гурав хагас жилийн өмнөх буюу гуравдугаар сарын 9-нд хүрсэн дээд түвшинд ойртсон үзүүлэлт болжээ.
АНУ-ын West Texas Intermediate (WTI) маркийн газрын тосны үнэ мөн 27 цент буюу 0.3 хувиар өсөж, баррель нь 96.59 ам.доллар болсон бөгөөд өмнө нь бараг 4 ам.доллароор нэмэгдэж, 100.02 ам.долларт хүрсэн байна. WTI нь Brent-тэй харьцуулахад сүүлийн 11 жилийн хамгийн их хямдралтай арилжаалагдаж байгаа аж.
АНУ-ын Төв банк лхагва гарагт бодлогын хүүг хэвээр хадгалж, инфляц нэмэгдэх төлөвтэй байгааг онцлон, дайны нөлөөг үнэлж буйгаа илэрхийлжээ.
Довтолгоо ба сөрөг довтолгоо
Израиль Ираны South Pars хийн ордод цохилт өгсөн ч АНУ болон Катар энэ ажиллагаанд оролцоогүй гэж Ерөнхийлөгч Дональд Трамп лхагва гарагт мэдэгдсэн байна. South Pars нь дэлхийн хамгийн том байгалийн хийн ордын Ираны тал бөгөөд Персийн булангийн нөгөө талд АНУ-ын холбоотон Катар оршдог.
Трамп мөн Израиль дахин Ираны South Pars дахь байгууламжууд руу халдахгүй гэж мэдэгдсэн бөгөөд хэрэв Иран Катар руу довтолвол АНУ ч мөн хариу арга хэмжээ авна гэж анхааруулжээ.
QatarEnergy компани лхагва гарагт Ираны пуужингийн довтолгооны улмаас Катарын Ras Laffan дахь LNG (шингэрүүлсэн хий) үйлдвэрлэлийн төвд их хэмжээний хохирол учирсан гэж мэдэгдсэн бөгөөд энэ нь дэлхийн хамгийн том LNG төвүүдийн нэг юм. Үүний улмаас Европын байгалийн хийн үнэ сүүлийн гурван жил гаруйн хугацаанд байгаагүй өндөр түвшинд хүрч өссөн байна.
Саудын Арабын талаас Рияд руу чиглэсэн баллистик пуужингууд болон хийн байгууламж руу чиглэсэн нисгэгчгүй онгоцнуудын халдлагыг амжилттай саатуулж, устгасан гэж мэдэгджээ. Лхагва гарагт харвасан дөрвөн пуужинг саатуулсан байна.
Мөн Саудын Aramco компанийн SAMREF нэртэй, улаан тэнгисийн Яньбу боомт дахь Exxon компанийн хувь эзэмшдэг нефтийн үйлдвэр лүү агаараас довтолсон бөгөөд үүний улмаас нефтийн ачилт түр тасалдсан ч дараа нь дахин хэвийн болжээ.
Кувейт улсын Kuwait Petroleum Corporation компани өөрийн Mina al-Ahmadi нефтийн үйлдвэрийн нэг хэсэг дроны халдлагад өртөж, бага хэмжээний гал гарсан талаар мэдээлсэн байна.
Өмнө нь Reuters агентлаг АНУ-ын засаг захиргаа Ойрхи Дорнод дахь ажиллагаагаа бэхжүүлэх зорилгоор олон мянган цэрэг байрлуулах боломжийн талаар хэлэлцэж буй тухайгаа мэдээлсэн байна.
Мэдээллийг Бээжин дэх Sam Li, Lewis Jackson, Сингапур дахь Emily Chow нар бэлтгэж, Clarence Fernandez, Louise Heavens, Mark Potter нар редакцалжээ.
Эх сурвалж: REUTERS
