Өдгөө 22 настай ютүбэр хэрхэн өөрийн “бүтээдэг” видеоны тусламжтайгаар жилд 700,000 ам.доллар олж, өдөрт ердөө хоёр цаг ажилладаг болсон нууцаа дэлгэв.
Сүүлийн жилүүдэд интернэт орчин хурдацтай өөрчлөгдөж буй. Томоохон толь бичгийн тодорхойлсноор, 2025 оны “жилийн үг”-ийн нэгээр ‘AI slop’ тодорсон нь санамсаргүй зүйл биш юм. Учир нь, хиймэл оюун ухаанаар бүтээгдсэн текст, зураг, видео бүхий мэдээлэл вэб орчныг эзэлж, хүмүүс “хоосон интернэт онол бодит болсон уу?” хэмээн асууж эхэлсэн.
2022 оноос хойш та сошиал медиа ашигласан бол AI-аар бүтээсэн мэдээлэл дүүрэн байгааг анзаараагүй ч байж мэднэ. Харин хамгийн “аймшигтай” нь, энэ агуулгыг “бүтээж буй хүмүүс” үүнийг дижитал эзэнт гүрэн болгож чадсан явдал юм.
22 настай Адавиа Дэвис хиймэл оюун ухаанаар бүтээсэн YouTube видеоноос жилд ойролцоогоор 700,000 ам.доллар олдог байна.
Fortune сэтгүүлд мэдээлснээр, Дэвис анх YouTube-ийг хобби болгон ашиглаж эхэлжээ. Гэвч тэр Mississippi State University-гээс гарсныхаа дараа хиймэл оюун ухаан ашиглан контент бүтээж, жилд 700,000 ам.доллар олдог болсон байна.
Тэр “Би YouTube-ээр AI видео бүтээж түгээнэ гэж эхэндээ огт бодоогүй. Зөвхөн хөгжилдөх гэж эхэлсэн. Дараа нь хүүхдийн болон цуглуулгын сувгуудаас мөнгө олох боломж гарсан. Өрсөлдөгчид минь надаас хурдан видео оруулж байхад би түүнийг бүтээгчдийг хүлээж, хоцордог байсан” гэж ярьжээ.
Түүний идэвхтэй таван гол суваг бий бөгөөд видео нь өөрийнх нь хэлснээр мартагдах магадлалтай, үзэгчдийн олонхыг унтуулах хүртэл уйтгартай байдаг аж.
Давис хүүхдэд зориулсан хэд хэдэн Minecraft сувгаас гадна амьтны цуглуулга, шог видео, анимэ засвар, Болливуд клип, оддын амьдралын мэдээлэл зэрэг сувгууд ч ажиллуулдаг байна. Түүний хамгийн алдартай нь ‘Boring History’ бөгөөд David Attenborough-ийн хэв маягаар, AI-дээр бүтээгдсэн дуу оруулгатай, үзэгчдийг унтуулах зориулалттай видео байдаг аж.
Дэвис өдөрт дунджаар ердөө хоёр цаг ажиллаж, бусад бүх ажиллааг хиймэл оюун ухаан гүйцэтгэдэг байна. Өөрөөр хэлбэл, TubeGen гэсэн тусгай програм ажилладаг бөгөөд энэ нь Claude AI-ээр сценар болон дүрс бий болгож, ElevenLabs-ээр Британийн дуу оруулгыг үүсгэдэг аж.
Видео бүрийн зардал дунджаар 60 ам.доллар бөгөөд түүнийг бүтээхэд хамгийн ихдээ 6 цаг зарцуулдаг байна. Гэсэн хэдий ч Дэвисийн сувгууд сүлжээний хэмжээнд сар бүр 40,000-60,000 ам.долларын орлого олж, ашиг нь 85-89 хувь хүрдэг байна.
