Тус уриалгад “Ардчилсан Намын гишүүд улс орон даяар дотоод сонгууль буюу Аймаг Дүүрэг Нийслэлийн Намын хороо болон Намын Үндэсний Бодлогын Хорооны гишүүнд нэр дэвшигчдийг бүртгэн сонгох хариуцлагатай бөгөөд ардчиллын шударга зарчим дээр тулгуурласан сонголтоо хийх өдрүүд эхэлж байна.
Ардчилсан Нам Улс төрийн намын тухай хуулийн хүрээнд үндсэн дүрэмдээ өөрчлөлт оруулан, шинээр зохион байгуулагдаж байгаа энэ цаг үед намын гишүүддээ хууль, дүрэм журмаа дээдлэн, эв эеийг хичээн, шударга сонгуулийг эрхэм болгохыг та бүхэндээ уриалж байна.
Ахмад үеийн туршлага, дунд болон залуу үеийн эрч хүчийг хослуулсан, төлөөллийн ардчиллын зарчимд тулгуурласан удирдах байгууллагыг сонгон бүрдүүлэх нь ард иргэдийн хүсэл, бодолд нийцэхээс гадна улс орныг зөв зүйтэй удирдан хөгжүүлэхэд ухаалаг, оновчтой шийдвэр гаргахад чухал хувь нэмэр оруулна.
Та бүхэн намын дүрмийн 75.5.1.3 заасны дагуу шат шатны намын хороонд нэр дэвшиж байгаа ахмад гишүүдээ дэмжиж сонгоно гэдэг итгэж байна. Түүнчлэн эв, эеийг эрхэмлэн хамтын хүчийг дээдлэх нь ирэх 2027 онд явагдах Монгол Улсын Ерөнхийлөгчийг сонгох сонгууль 2028 оны УИХ, аймаг, дүүрэг, сум баг хорооны сонгуульд ялалт байгуулах үндэс болно гэдэгт эргэлзэхгүй байна. Ардчилсан Намын удирдах байгууллагаа сонгох нийт гишүүддээ амжилт хүсье” гэжээ.
