Монгол эмэгтэйчүүдийн дундаж наслалт 77.1 жил бөгөөд анхны гэрлэлтийн дундаж нас 26.7 байна. 2025 онд төрсөн нийт хүүхдийн 48.3 хувь нь эмэгтэй байгаа нь эмэгтэйчүүдийн нийгэм дэх оролцоо болон ирээдүйн хүн амын бүтцэд чухал нөлөөтэйг харуулж байна.
Улсын хэмжээнд хамгийн өндөр настай эмэгтэй 108 настай бөгөөд энэ нь Монголын эмэгтэйчүүдийн эрүүл мэнд, урт наслах боломжийг тодорхой харуулж байгаа юм.
Түүнчлэн Монгол Улсын ААНБ-ын удирдах албан тушаалд ажиллаж буй нийт ажиллагчдын 41.0 хувь нь эмэгтэйчүүд байгаа нь эмэгтэйчүүдийн нийгэм, эдийн засгийн оролцоо өсөн нэмэгдэж буйг илтгэж байна.
Цаашлаад боловсролын салбарт эмэгтэйчүүдийн эзлэх хувь өндөр бөгөөд дунд, дээд боловсролтой эмэгтэйчүүдийн тоо эрэгтэйчүүдээс илүү гардаг нь тэдний нийгэмд нөлөөлөх боломжийг бататгаж байна.
Олон улсын эмэгтэйчүүдийн эрхийг хамгаалах өдрийг тохиолдуулан энэхүү статистик нь Монгол эмэгтэйчүүдийн нийгэм, эрүүл мэнд, боловсрол, эдийн засгийн хөгжилд оруулж буй хувь нэмрийг харуулах чухал мэдээлэл юм.
