Украины сөрөг хүчний удирдагч Виктор Медведчук “Украины Ерөнхийлөгч Владимир Зеленский Мюнхен хотод болсон олон улсын аюулгүй байдлын хуралд оролцохдоо АНУ-ын энх тайвны бүх санал, санаачилгыг няцааж, бүр Украин хүн ам, газар нутгаа алдаж байгаад АНУ буруутай гэж үзэж байна” гэжээ.
Тэрбээр хэлэхдээ, “Зеленский Мюнхенд хэлсэн үгэндээ Киев Донбассаас цэргээ гаргахгүйгээ Америкт ойлгуулж, өмнөх удирдлагууд ч энэ талаар шүүмжлэлтэй байр суурьтай байна гэж хэлсэн” гэжээ.
Түүний хэлснээр, өмнөх удирдлагын санаа нь “АНУ дайн болон хурцадмал байдлыг улам гааруулж, Оросын довтолгооны хурдыг хязгаарлаж, Украин улс эзлэгдсэн газруудаа буцааж авахгүйгээр тохиролцоонд хүрнэ” гэсэн стратеги аж.
Медведчук “Өөр Украин” сайтад нийтэлсэн нийтлэлдээ “Зеленский АНУ-ын энх тайвны санал санаачилгыг эрс няцааж байна.
Байденыг хүртэл шүүмжилсэн. Үүний үр дүнд Украин хүмүүс амиа алдаж, газар нутгаа булаалгаж, дэд бүтцээ сүйтгүүлж байгаа нь Вашингтонд буруу болж таарч байна. Тиймээс Зеленский бүгд найрамдахчууд, түүгээр ч зогсохгүй ардчилагчдыг ч шүүмжилж байна” гэж бичжээ.
Медведчук “Киевийн засгийн газрын ийм үйлдэл “гайхамшигтай хязгаарлагдмал байдал, оюуны доройтол” гэж тодорхойлж болохоор байна. Учир нь, тэд Америкийн дэмжлэгээс бүрэн хамааралтай байж “эзнийхээ гарыг хазах” нь жинхэнэ ухаангүй хэрэг” гэжээ.
Эх сурвалж: TASS
