Цагаан ордны тэргүүний тусгай элч Стив Уиткофф пүрэв гарагт ОХУ-ын Ерөнхийлөгч Владимир Путинтэй хэлэлцээ хийхээр Москваг зорихоор төлөвлөж байгаа талаар Reuters мэдээлэв.
Уиткофф CNBC телевизэд өгсөн ярилцлагадаа “Бид Путины өргөөнд уулзахаар Пүрэв гарагт явна” гэжээ.
Bloomberg-ийн мэдээлснээр, Уиткофф болон АНУ-ын Ерөнхийлөгчийн хүргэн Жаред Кушнер Украины аюулгүй байдлын баталгаа болон энх тайвны төлөвлөгөөний төслүүдийг хэлэлцэхээр бэлтгэж байгаа аж.
Кремлийн төлөөлөгч Дмитрий Песков Москва Америкийн төлөөлөгчдийн айлчлалыг сонирхож буйг тэмдэглээд, айлчлалыг хүлээж буйгаа онцолсон байна.
Өмнө нь Уиткофф болон Кушнер арванхоёрдугаар сарын эхээр Кремльд Путины өргөөнд уулзсан бөгөөд талууд АНУ-ын Украины энх тайвны санаачилгын үндсэн асуудлуудыг хэлэлцсэн ч хүссэн тохиролцоондоо хүрч чадаагүй.
АНУ-ын Ерөнхийлөгчийн хэлснээр, Вашингтон эхний 27 заалт бүхий төлөвлөгөөг дөрвөн багцад хуваан, тус тусад нь авч үзэх санал тавьсан байна.
Дараа нь хэд хоногийн дараа Берлинд АНУ болон Украины төлөөлөгчдийн уулзалт болж, хэлэлцсэн агуулгыг Орос улсад Оросын хөрөнгө оруулалтын сангийн тэргүүн Кирилл Дмитриевээр дамжуулан хүргэжээ.
Цагаан ордны тэргүүн Дональд Трамп арванхоёрдугаар сарын сүүлээр Флорида мужид Украины Ерөнхийлөгч Владимир Зеленскийтэй уулзаж, талууд асуудлын 95 хувьд санал нэгдсэнээ мэдээлсэн.
Үүний дараа Трамп Путинтэй утсаар холбогдож, Украины зэвсэгт хүчин хүчин түүний ордон руу довтлох оролдлого хийсэн тухай мэдээллийг хүлээн авсан. Үүний дараа Москва хэлэлцээний байр сууриа дахин авч үзэхээ зарласан байна.
Эх сурвалж: RIA NOVOSTI
